Categories: اخريشعر

كنا سبعة

كلمات قصيدة كنا سبعة مكتوبة


كنا سبعه..
ويابعض نروح ونيجي اي وقت واي حته
جامعة ماشي قهوة ماشي آي هلس ورمي جته
بس من بعد الشهاده كله كان عمال يعافر
شال هدومه وراح مسافر
خد همومه وسبنا ستة..
ساب جاكته لحد فينا وقاله ذكري
رد قالة عمري ما انسا
شالها عنده ويوم جوازه كان لابسها
وسبنا خمسة
فات شهور وعملنا حادثه
كان سببها الصربعه
طيش شباب وهزار سواقه
وضحك فاضي ومرقعه
والتمن كان حد غالي
مات وسبنا اربعة
صدمه كانت مفجعه
لما فوقنا قالو مات
واما واحد فينا كمل باقي عمره بعكازات
كان بيمشي تاتا تاتا
والالم خلا يسبنا للخطاوي احنا التلاتة
بالمعارف والوساطه والرشاوي والهدايا
جاله تعيين وجه قبلي راح وساب واحد معايا
والنهاية
نيجي ع القهوة ونحكي مره كل فين وفين
والمسافه تزيد ما بينا والشهور بتجيب سنين
باقي مين
غير حنين الروح ودمعه وصوره كانت باقيه عندي
وافتكرت لو شوفت جامعه ولا جمب القهوه اعدي
ان احنا كنا سبعة
واني في الاخر لوحدي
😩😩😩😩😩😩😩

Recent Posts

خالتي أم عبده “عامية”

خالتي ام عبده-قصيدة عامية-الشاعر صلاح عبدالله خالتي أم عبده.وكنا زمان أنا وصاحبي…بنلعب كورة جوا الحوش…يشوطها… Read More

3 أشهر ago

قولوا لعين الشمس ماتحماشي

اغنية شادية قولوا لعين الشمس ماتحماشي قولوا لعين الشمس ماتحماشيايه علاقة شادية بحادثة دنشوايبص يا… Read More

3 أشهر ago

تخنقني ازمنة اللاجدوي

مقال تخنقني ازمنة اللاجدوي-احمد خالد توفيق احمد خالد توفيق - مقال تخنقني ازمنة اللاجدوي احمد… Read More

3 أشهر ago

رواية انتحار ميت ج3 | هبة الحكيم

رواية انتحار ميت الجزء 3 للكاتبة هبة الحكيم *يمكنك أيضا قراءة الجزء الأول من الرواية*تأخر… Read More

4 أشهر ago

رواية انتحار ميت ج2 | هبة الحكيم

رواية انتحار ميت ج2 | هبة الحكيم رواية انتحار ميت ج2 | هبة الحكيم طُرِق… Read More

4 أشهر ago

رواية انتحار ميت ج1 | هبة الحكيم

رواية انتحار ميت للكاتبة هبة الحكيم رواية : إنتحار ميت ( الجزء الاول ) مقدمة… Read More

4 أشهر ago