Categories: اخري

طز في الاحلام وفيكي

طُز ف الاحلام وفيكي …
طُز فيّا عشان شاريكي
الفُراق دلوقتي عادي !!
كخ ليّا وحلو ليكي !!؟
قولت هابعد الف مره …
وانتي قولتي بلاش فُراق
اتفقنا نكون لبعض ..
يبقا نبعد باتّفاق
ليه بقا اتغيّر كلامك ..
فجأه قررتي تسيبيني !!؟
لو مش مرتاحه فعلاً ..
كنتي طيب عرّفيني
بس انا بالعند فيكي ..
مش هاسيبك تقتليني
عادي يعني هاعيش حياتي ..
وامسح الماضي اللّي فات
مش هاجيب سيرتك لغيرك ..
هانْكرك م الذكريات
مش هاقول ان انتي اصلاً ..
كنتي امي وكنتي بنتي
مش هاقول انّك سفينتي ..
اللي غرقت من غبائي
مش هابيّن اشتياقي ..
حتى لو حنيت ف يوم
مش هافكّر فيكي تاني ..
وبُكرا عادي يجيلي نوم
حتى لو صُدفه اتقابلنا ..
مش هاحِن او اندَهِك
مش مهم اتجوزك
مش مهم بناتي تيجي بتشبَهِك
بكرا ييجي واكون ناسيكي ..
شوفي مين بقا هايواسيكي
طُز ف الاحلام وفيكي !!

Recent Posts

خالتي أم عبده “عامية”

خالتي ام عبده-قصيدة عامية-الشاعر صلاح عبدالله خالتي أم عبده.وكنا زمان أنا وصاحبي…بنلعب كورة جوا الحوش…يشوطها… Read More

3 أشهر ago

قولوا لعين الشمس ماتحماشي

اغنية شادية قولوا لعين الشمس ماتحماشي قولوا لعين الشمس ماتحماشيايه علاقة شادية بحادثة دنشوايبص يا… Read More

3 أشهر ago

تخنقني ازمنة اللاجدوي

مقال تخنقني ازمنة اللاجدوي-احمد خالد توفيق احمد خالد توفيق - مقال تخنقني ازمنة اللاجدوي احمد… Read More

3 أشهر ago

رواية انتحار ميت ج3 | هبة الحكيم

رواية انتحار ميت الجزء 3 للكاتبة هبة الحكيم *يمكنك أيضا قراءة الجزء الأول من الرواية*تأخر… Read More

4 أشهر ago

رواية انتحار ميت ج2 | هبة الحكيم

رواية انتحار ميت ج2 | هبة الحكيم رواية انتحار ميت ج2 | هبة الحكيم طُرِق… Read More

4 أشهر ago

رواية انتحار ميت ج1 | هبة الحكيم

رواية انتحار ميت للكاتبة هبة الحكيم رواية : إنتحار ميت ( الجزء الاول ) مقدمة… Read More

4 أشهر ago